તેજાબ … નો ઊપયોગ કયારે, કયાં, કેમ, કેવી રીતે અને કોને માટે ..
કટાઇ ગયેલા, સડી ગયેલા, કોહવાઇ ગયેલા, ગંધાઇ ગયેલા, નબળા પડી ગયેલા લોખંડને ઢીલુ કરવા …
અત્યાર સુધીની જીવનસફરના મારા ૫૧ વરસના જ નાનકડા જીવનકાળમાં એવા એવા માણસોય મળ્યા કે,
જેમના તન અને મન …
કટાઇ ગયેલા,
સડી ગયેલા,
કોહવાઇ ગયેલા,
ગંધાઇ ગયેલા,
અને નબળા પડી ગયેલા જણાયા …
એવા લોકો ડરપોક અને દંભી વિચારધારા સાથે …
જીવનના મુલ્યોની નવી વ્યાખ્યા કરવા માંડયા …
સગવડતા ખાતર .. સલામતી જોઇને .. સુરક્ષાનો વિચાર કરીને …
સભ્ય અને સંસ્કારી ઘરોમાં દુર્બળ યુવાનો પેદા કરવા માંડયા …
પરિકલ્પનાઓ અને પરિકથાઓમાં રાચતા ..
પરસેવો પાડવાની વાત તો દૂર રહી …
રોજ સવારે રડતા ..
કશુંય કરી શકવાને લગભગ અશક્તિમાન થઇ ગયેલા …
નિસ્તેજ ચહેરાઓને
જોવાનુ હવે મને મંજૂર નથી …
એટલે જ …
આ તેજાબ .. ના બે .. બે બુંદથી …
કટાઇ ગયેલા, સડી ગયેલા, કોહવાઇ ગયેલા, ગંધાઇ ગયેલા, નબળા પડી ગયેલા
લોકમાનસને ચળકતુ – ચમકતું કરવાનો મારો આ પ્રયાસ છે.
… હવેથી વાતો બંધ .. કામ શરૂ…… છે મંજૂર ? ?
– અખિલ સુતરીઆ
લોડ થઈ રહ્યું છે...